تمارين رياضية

مواضيع ذات صلة بـ : تمارين رياضية

البوست ده بيوضح الفرق بين تمارين الكارديو 🏃و تمارين المقاومه💪
عشان انا اكتشفت ان فيه ناس كتير اوي بتسمع مننا كل يوم مصطلحات كتير ومش فاهمينها اساسا👀
**تمارين الكارديو-هي تمارين هوائيه تطلب من الرياضي مجهود عالي وتجعل نبضات القلب تزداد. 👊
مده ممارسه الكارديو من 30 ل 45 دقيقه يوميااا.👊 مش علي مدار الاسبوع 👊
اهميه تمارين الكارديو.... 🏃🏃🏃🏃
1-ازاله و تفتيت و تدمير الدهون من الجسم كله بشكل عام و سريع .👏👏👏
2-يحد من مخاطر الإصابة بالامراض العصريه و العياذ بالله. 😥
3-تحسين المزاج و النفسيه بشكل ملحوظ جدا .😍😍
4-رياضه غير مكلفه تمارسوها في اي مكان و زمان. 😌بدون تكاليف او ادوات رياضيه....لا تحتاجي الا نفسك في تمارين الكارديو. 😊😊

**انواع تمارين الكارديو كلها
1-المشي
2- الهروله
3- نط الحبل... حتي لو بدون حبل مخصص.. مجرد تنطيط 100 عده متقسمين علي 4 مجموعات المجموعه 25 عده و راحه 30 ثانيه نفس و شويه مايه و تكمله ال 100 الي اخرهم
4-ركوب الدراجه الهوائيه اذا كانت متوفره
5-السباحه
6-السله
7-الطايره
8-واهم واسهل تمرين كارديو... الجرررري. 🏃🏃🏃اجري يا مجددددي. 🏃🏃🏃🏃🏃😂😂😂😂👊
(الكارديو البيتي بقي الي انا بعتمد عليه في ايام الاجازات زي النهارده كده)...😌
ترويق البيت باقصي سرعه ممكنه 🏃🏃
الجري فالبيت وانت بتعملي اي حاجه وكل حاجه وكانك وراكي ميعاد مهم وتخلصي وتقعدي عادي خالص
مهما يقولوا ومهما يعيدوا خليكي فكره انك مش مجنونه ولا حاجه. 😂😂😂انتي بتساعدي نفسك تخسي مش اكتر. 😌
ولو حد فتح بوقه معاكي وقالك بتجري كده ليه 😠 قوليله تعليمات كابتن ريهام وسيبيي الباقي عليا. 🔪🔪🔪
بس الحلول دي مش ينفع تعتمدي عليها لوحدها
يعني لازم المشي والجري وكل الي اتذكر فوي جنب ترويق البيت
نيجي بقي لتعريف الناس بتمارين المقاومه
تمارين المقاومه عكس تمارين الكارديو خالص
بمعني ان الكارديو هوائية... المقاومه لا هوائيه
تساعد علي زياده قوه العضله

مده ممارستها من 3 الي 6 ايام فالاسبوع بتختلف من ولد لبنت
لو بنت يبقي كفايه 3 ايام فالاسبوع كله و ال 3 ايام التانين اتمرنيهم بطن و كده كده الكارديو معاكي كل يوم
و لو ولد يبقي علي حسب هدفك وممكن تتمرن كل يوم مقاومه عادي
اهميه و فوائد تمارين المقاومه
1- تقويه العضلات
2-تساهم في بناء العظام
3-تشكيل جيد جدا للجسم ومنع الترهلات
4-رفع عمليه الايض

انواع تمارين المقاومه

1-تمارين بوزن الجسم
2-تمارين بحبل المقاومه
3-تمارين رفع اثقال